Jahresbericht Ortsgruppe Obwalden 

ä längä Winter mit viel Schnee hemmer gha, soneinä würdid miär das Jahr wieder näh. Wenns nach dä Miotithaler gad, gids lang kei Schnee, aber diä hend ja oi nid immer rächt.

Im SAC Oberhasli isch wieder viel los gsi, äs hed sicher für alli epis gha zum mitmachä, sigs bim Wägbuiä i Fischterhittä, Wanderigä - Schneeschiohtouirä - Schi oder Hochtouorä, bim Brochfäscht oder suscht bimnä Hock.

Seniorä vo hiä und dänä hend sich organisiärt wiä immer zum zämmä verschiedeni Touirä s'machä.

Ganz erfreulich isch , dass Jungi Obwaldner uf SAC Hochtouirä mitgangä sind. Oi am Tiäfschneekurs hend Einigi mitgmacht, und mäh het der Fortschritt oi düdlich gseh.

Obwaldner Schiklüb biätit Land uif und Landab äs grosses Touiräprogramm a. Vo denä wo regelmässig uf Touirä gand, sind oi diä meischtä inrä SAC Gruppä.

Miär Obwaldner diänd is bemüähä, das immer wieder nüwi Mitglieder i SAC Oberhasli chemid. äs wird dä Jungä hüt aber soviel botä, dass sie gar nid alli Agebot anäh chenid. Aber grad diä jungä Bärgstieger sind Ziokunft vom SAC, und wiä meh Jungi mitmachid, umso meh chemid Jungi derzio.

äs gid Sektionä wo ä sehr sehr hechä alterduchschnitt hend,  und das wird langfrischtig nid giot si. Ich dänkä äs fählt nid am Agebot i dä Sektionä, sondern am ganzä überagebot vo Veranstaltigä uf dr ganzä Breiti.

Ich hoffä das Jedä wo hiä innä isch, nechscht Jahr äs nius Mitglied mitbringt, und de hemmer miär im Oberasli dr tiäfschti Alterdurchschnitt vo dr ganzä Schwiz !

Ich wünschä üch allä ä ganz schenä unfallfriä Winter

Fritz Halter