Am 17.12.2008 isch  Klätter-JO ga Schneeschölöifä. Mer si i Bidmi gfahrä, und sin dert  ga Schneeschö alegä. Womersä alli aghäbä hei, si mer los glifä. Uber Heger und dur Wälder si mer mit dä Schneeschö, und bald heimer eis ä chlini Pöisä gmacht. Dernah si mer wiiter und nachemä Ziitli si mer its gradä Glend chun . Eppis später isch es numä nu abi gangä  zur Hittä.Vor der Hittä hei mer d`Schneeschö abzogä und sin inni gangä. Dinnä hei mer Suppä mit Wurscht gässä. Zum Trichä  hei mer Fanta ubercho. Wo alli gässä hei ghäbä, heds dernah es Quiz gä. Wäretdessä  si Pinkt zämäzellt hein,si mer scho ganz gspannt am wartä gsi, und hei deicht  wär wird ächt erscht und wär letscht. Später  nach der Rangverchindigung, si mer de wieder ga d`Schneeschö  alegä. Und Chrigel hed sogar nu Facklä besäch ghäbä, mit Dänä hei mer  chennä abilöifä. Das isch der Plöisch gsi. Im Dunklä hei mer fascht nid gseh, aber mit dä Facklä hets Lecht gä. Wo mer wieder ir Bidmi si gsih, hei mer d`Schneeschö abzogä und versorgt. Wo alls versorgt gsi ischt, si mer mit  em Bussli nach Meiringä zur Tennishallä gfahrä. Und alli si Hei gangä und vo ihrem Erläbnis ga verzellä.

Vivien Maurer & Aline Bangerter